Sérkennari óskast í Helgafellsskóla

VIÐ LEITUM AÐ ÖFLUGUM SÉRKENNARA TIL STARFA.

 

Viltu vera með í að móta og þróa nýjan skóla í fallegu umhverfi í Helgafellslandi í Mosfellsbæ. Umgjörð skólans er heildstætt skólastarf í leik- og grunnskóla þar sem samþætt er nám, leikur og frístundir. Í skólanum verður unnið út frá fjölbreyttum kennsluaðferðum og vellíðan nemenda er í fyrirrúmi.

Við óskum eftir að ráða sérkennara í fullt starf frá og með 1. ágúst 2019, eða eftir samkomulagi. Um framtíðarstarf er að ræða. Sérkennari starfar samkvæmt lögum og reglugerð um grunnskóla, öðrum lögum er við eiga, aðalnámskrá grunnskóla og skólastefnu Mosfellsbæjar. Hann mun sinna nýbúastarfi og halda utan um alla stoðþjónustu skólans þar með talið skimanir og greiningar nemenda. Hann sinnir samhliða því kennslu.

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

 

Menntunar- og hæfnikröfur:

  • Leyfisbréf grunnskólakennara
  • Framhaldsnám í sérkennslu æskilegt
  • Áhugi á að starfa með börnum
  • Áhugi á samstarfi og teymiskennslu
  • Reynsla af kennslu nýbúa æskileg
  • Hæfni í mannlegum samskiptum
  • Sjálfstæð og skipulögð vinnubrögð
  • Frumkvæði og faglegur metnaður
  • Hugmyndaauðgi, jákvæðni og sveigjanleiki
  • Áhugi á starfsþróun og fjölbreyttum áherslum í skólastarfi
  • Góð íslenskukunnátta

Umsóknarfrestur er til og með 20. maí 2019


Starfsferilsskrá og kynningarbréfi sem greinir frá reynslu, menntun og fyrri störfum ásamt rökstuðningi fyrir hæfni í starfið skal fylgja umsókninni.

Nánari upplýsingar um starfið veitir Rósa Ingvarsdóttir skólastjóri í síma 547-0600. Um framtíðarstarf er að ræða. Öllum umsóknum verður svarað. Laun eru samkvæmt kjarasamningi Sambands ísl. sveitarfélaga og viðkomandi stéttarfélags. Ráðið er í öll störf óháð kyni.

 

 

 

Deila starfi
 
Þverholti 2, 270 Mosfellsbær - kt. 470269-5969 - mos@mos.is    
525 6700