Frístundaleiðbeinendur óskast til starfa við Frístundasel Lágafellsskóla

Frístundaleiðbeinendur óskast til starfa við Frístundasel Lágafellsskóla

 

Má bjóða þér að taka þátt í metnaðarfullu skólastarfi? Viltu vera hluti af góðum og öflugum starfsmannahópi sem vinnur saman að því að mæta ólíkum einstaklingum í krefjandi verkefnum?

 

Lágafellsskóli í Mosfellsbæ er samrekinni leik- og grunnskóli sem vinnur í anda uppbyggingar-stefnunnar. Starfsemi skólans fer fram í tveimur byggingum, þar sem 1. - 2. bekkur er staðsettur í útibúi skólans, Höfðabergi, ásamt leikskóladeildum fjögurra og fimm ára barna.

 

Frístundaleiðbeinendur taka þátt í skipulagningu faglegs frístundastarfs og leiðbeina börnum í leik og starfi í samvinnu við samstarfsfólk.

 

Um hlutastörf er að ræða, vinnutími er frá 13:30 - 17:00.

 

Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi.

 

Menntunar- og hæfnikröfur:

  • Reynsla og þekking sem nýtist í starfi.
  • Áhugi á að vinna með börnum.
  • Frumkvæði og sjálfstæði.
  • Lipurð og sveigjanleiki í samskiptum
  • Góð íslenskukunnátta

 

Umsóknarfrestur er til og með 24.september 2019.

 

Umsóknir skulu innihalda starfsferilsskrá og kynningarbréf sem greinir frá reynslu, menntun og fyrri störfum ásamt rökstuðningi fyrir hæfni í starfið. Nánari upplýsingar um starfið veita Lísa Greipsson, skólastjóri, í síma 5259200/8626333 og Daníel Birgir Bjarnason, forstöðumaður frístundar, í síma 5259200/8989286. Um framtíðarstarf er að ræða. Öllum umsóknum verður svarað. Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Ráðið er í öll störf óháð kyni.

Deila starfi
 
Þverholti 2, 270 Mosfellsbær - kt. 470269-5969 - mos@mos.is    
525 6700